澳門豪玩豪食粗口團

March 24, 08

呢個澳門豪玩豪食粗口團...3月22日準時出發...去到澳門碼頭...由於太多人嘅關係,迫到爆,好多人...我地足足等左成個幾鐘先可以成功入境.真係估唔到今時今日都會有d咁嘅場面,仲以為係7-8年前返大陸過關先會有d咁嘅情況tim...我地對澳門嘅入境事務處同關都有d失望.

因為入境時用多左時間,所以我地有少少behind schedule. 我地坐去"乙水"仔果d酒店shuttle去左"乙水"仔先再坐的士去我地book果酒店check in.我本來係唔打算stay overnight,不過因為糖糖同大jer鬧左交佢又唔想同大jer share一間房所以我留低陪佢.

Check完in之後,我地向返"乙水"仔食late lunch, 我地去左一間食葡國菜嘅餐廳...果度d野食都ok...價錢.我地late lunch都開左2支紅酒.呢張就係第一餐嘅大合照.







食完late lunch之後...我地向周圍行左一輪...就走去食蟹粥.
之後我地就去威尼斯人酒店.澳門威尼斯人酒店大致同Las Vegas果間差唔多,不過我都係鍾意Las Vegas果間多d.雖然我唔賭錢不過我鍾意shopping,澳門威尼斯人酒店個shopping atrium 真係比唔上Vegas果個.








去完威尼斯人酒店...我地都係四圍行下咁...跟住就去水佬榮食dinner.水佬榮係我地去澳門必去嘅食店之一.佢地嘅花甲蟹煲真係好正,仲有我最鍾意嘅黃金蝦.Yummy.








食完dinner之後...我地去左啱啱開左冇幾耐"美高梅金殿" (MGM Grand).呢間酒店真係幾靚.可惜唔利我d朋友佢地向果度賭錢冇咩收穫.之後我地去返我地個最鍾意果個酒店"永利" (Wynn).佢地好似真係羸左錢呀...之後我地向永利嘅"霞"度飲野.

飲完野...我地去左金沙佢地就再賭...我都係四圍行下咁啦.去完金沙之後我地本來想去漁人碼頭入面嘅Fashion Show度睇show+飲野.可惜果度已經冇promotion.即係冇show睇.之後我就返左酒店.

復活節3日2夜澳門/拱北/深圳之旅改為澳門一日遊

Mar 12, 08

經過我諗左成晚之後,我決定同佢地講我會去day trip.咁樣都算係解決左個題吖.(我諗).
雖然我知pupu同糖糖都好似好想我同佢地一齊stay overnight,不過我真係唔鍾意果種感覺...我做人嘅宗旨係..."要我俾錢而我又唔會開心嘅事...我唔做."不過都係果句啦...到時先算.

我想向呢度多謝一個人...佢就係亞茵.因為我地今日發現中旅社已經冇晒22號朝早由尖沙咀去澳門嘅船飛.咁我突然醒起茵個男朋友好似向新渡輪做...於是就試下打俾茵問下.點知茵果然係幫到手.佢好快就幫我攪掂左.所以我要向呢度再次同你講Thank you very much!我一定要請你食飯呀!

另外就要向呢度答一答梁c9向我琴日個blog個comment 先...! 首先...本人非常認同閣下係一個專業攝影師,雖然仲未有幸睇正式睇到閣下嘅大作.不過本人並不是專業攝影師所以一般入門級數嘅數碼相機就ok.相信本人嘅要求同吳大師嘅要求一定唔會一樣.本人只係想要輕便,有齊基本功能同埋價錢合理. 講左咁耐我諗吳大師一定好想知本人買左咩機啦....hahaha就係Panasoinc Lumix DMC-F33,呢部真係一部好普通嘅入門DC.本人買佢只係同佢有緣啫...冇咩特別意思.第2...吳大師...你呢幾日都好似冇上網...所以冇向大師你請教囉. Anyway...我會用佢影多d snap shot然後 post向呢度同我嘅粉絲分享.

今個weekend預告:
星期6..何梁聯婚...我冇lala由賓客變成迎賓(工作人員)...真係r頭

我而家唔想去澳門喇 >.<

Mar 11, 08

首先要多謝我嘅長期(可能係唯一)讀者...梁c9,向我上一編blog度俾comment.我地對果件事嘅睇法都好一致.

我地之前已經商量左會向復活節一班人去澳門玩...我本來係好想去同都幾期待...不過而家真係唔想去喇...!

點解冇lala我會係多左出嚟果個?仲要睇下人地對couple想唔想同我share房?我好唔喜歡呢個感覺...我真係唔想去.不過又唔知點開口.

真係唔知點算...但係我而家真係冇晒mood去........!um...我諗我要同佢地講..叫佢地唔好預我先...我唔想俾錢去玩之後仲要係唔開心.

最多我easter向屋企煲碟...

我琴日放工,終於去左買相機喇...頭先我仲玩左一陣tim...你睇我亞妹幾樣衰.....! lol

有心人 vs 殯儀之星

Mar 5, 08

老闆去左德國,所以我呢排比較清閒. 可以向上晝寫下野...yeah!

肥肥嘅離開本來係唔關我事,我亦都冇打算向呢度寫..因為好似好無謂咁. 不過睇完星期日(3月2日)肥肥嘅追思會...我就覺得有d人真係好鍾意攪事同出風頭...真係連死左嘅人都唔放過...真係不愧為"殯儀之星"而呢個人就係當晚欣宜口中嘅"有心人"同埋人稱大哥嘅"鄧光榮".不嬲對佢都冇乜好感,扮正義又扮靚仔...sorry呀靚仔真係冇可能可以同佢拉上關係.幾廿年前d人叫佢做學生王子...eeeeeeeeeeeeee真係唔明點會有人覺得佢係王子...可能佢係好似顏福偉白花油王子果種王子啩.

雖然我都唔喜歡鄭少秋同鄭欣宜...不過果日見到鄭少秋俾鄧光榮公審嘅時候...我真係覺得鄧光榮好討厭.人地嘅家事真係關你鬼事咩.就算真係關呀,你都唔洗當住幾百萬人面前向度"吠"o家...失禮人呀!

其實之前d報導一直都講鄭少秋點樣唔啱,點樣冇情冇義...問心講...如果佢地只係一對普通離左婚20年嘅夫婦,而欣宜亦只一個普通女仔.佢亞媽死左佢要幫佢媽媽辦身後事...然後佢d uncle, auntie幫佢手...佢個老豆事忙冇幫手,我相信冇人會覺得有問題.而家ｄ人咁多野講係因為死果個人出名?乜唔係離左婚就等於冇晒關係,各行各路,以後生死不相往來同埋各不相干嘅咩?我相信我嘅好朋友Kenneth同埋我亞叔一定好支持我嘅理論囉...喂...粉絲"寶"你又點睇呢?你睇完我呢編野留d comment我啦.

以下係李純恩先生向今日頭條日報嘅散文...我好認同佢嘅講法同見解.李純恩先生的確係我近期最喜歡嘅文人.

"疑似"?

Mar 4, 2008

近期我地經常用嘅新口頭蟬就係..."疑似". 而家咩都加個"疑似"向件事嘅前面.日日都向度疑似乜乜疑似物物...聽得多都開始覺得煩....

不過好好笑...係我地朋友之中有人"疑似"某人情婦囉...疑似情婦1號, A小姐我就相信佢係清白...而疑似情婦2號B小姐...就真係有少少可疑...不過都係唔敢肯定. 而疑似攪婚外情男主角X先生,佢就呢件事已經表左態...堅決否認左.不過根據佢近日嘅不尋常行為..的確令人懷疑. 另外疑似情婦B小姐亦都例牌否認.

小記會繼續跟進...有新消息會即時up date.

今個星期weekend預告...
星期6王宮1日遊.

Handsome Chris Wedding Ceremony Part I

Mar 3, 08

琴日係Chris同Yan註冊結婚嘅日子...我當然有去觀禮啦...觀完禮之後就係tea buffet時間, 跟住我就要去同我嘅屋企人食飯...呢餐飯都算係10年唔逢一潤...因為我daddy同mommy side嘅主要親戚都有嚟...

講返Chris同Yan嘅Wedding,佢地3月2號註冊, 3月15號擺酒...我諗左好耐到底我應該送禮定係做人情好呢? 咁啱俾我向Swarovski見到呢對米妮同米奇水晶擺設...不過都幾貴...over左我個人嘅budget,於是我就問老強夾唔夾(注:上次Joanne結婚我地都係夾錢送野俾佢)咁我覺得3個人夾(Mico, Keung and I)又有少少over budget, 加多1個人就prefect, 於是我就諗起Michael,咁我問佢夾唔夾,佢話ok,於是就confirm去馬.

我星期6(Mar 1)過左中環H&M循視業務...咁啱經過Swarovski,咁就入去問佢有冇呢對水晶賣啦!點知...個2個sales同我講米妮全線斷貨...咁我唔信邪係咁叫個sales幫我check第2間shop,不過佢check幾間都話冇...佢就同我講全線冇.然後就放棄...當然佢都好表面咁問我攞左contact仲話會同我逐間check,不過我信佢先奇呀!我已經決定左求人不如求己....於是我星期一(比較得閒..)就上網搵Swarovski 香港分店嘅電話..搵左幾個遠d同冇咁旺嘅分店,跟住打去問...第一間俾我揀中嘅係將軍澳新都城分店...一打去佢地已經話有貨啦! 咁我叫佢留俾我...我會去買...收左線之後..我就向度諗..點解要我俾錢撘車去??於是我就打去佢地APM分店度問,睇下佢地有冇貨(其實我知佢地冇, 因為星期6向中環果間果時個sales已經check左)咁佢地當然答冇啦,咁我就同佢講我向將軍澳果間留左一對,不過將軍澳太遠我唔方便坐車去攞問佢地可唔可以幫我transfer去AMP.個女仔都好nice,佢話佢會send人去將軍澳分店hand carry過AMP俾我...就係咁我就買左以下呢對米妮加米奇水晶擺設.我相信Yan and Chris應該會鍾意.因為Chris係米奇嘅super fan.