旅行的意義

3月31日 ~微涼~

琴日係Meigi嘅生日,我地去JW Marriott食buffet...um...坦白講呢個價錢($430 per head)咁嘅質素...對我嚟講係失望.Anyway唔試過又唔會知.

Buffet完左之後我地去左飲野...有關飲野果個地方嘅詳細情況會向下一個subject先講.

向飲野果時我地有講起過一齊去旅行...um我個人認為以琴晚嘅人腳(注1)...5個人1齊去旅行嘅機會應該好微.向conversation中間Meigi問我旅行的意義...我當時諗唔到...而家um...都諗到下嘅. 我地就用10 points嚟寫旅行的意義. 如果有人睇完之後有興趣可以提供閣下嘅旅行的意義嚟一齊分享下.

1. 給自己充電 (recharge -呢個係我多數要放假嘅原因.)
2. 清假 (我就想我有機會清假可惜一年得果7日大假去遠d都唔得啦!仲講咩清假呢!)
3. 增廣見聞 (um...都可以咁講嘅...)
4. Shopping (呢個都會係我放假嘅其中一個原因.)
5. d錢多都冇"定"洗 (whahahhah我都想我係呀!)
6. 探朋友 (呢個係我經常做嘅野)
7. 散心 (本人覺咁係幾奢侈)
8. 食野 (呢個都係我去旅行嘅其中一個原因)
9. 體驗生活 (Well, I guess I am too old for that...)
10. Honey Moon (... ...)

注: 有出嚟飲野嘅人腳 - Lai, Meigi, 強哥, Ken同本人

I miss GOLF BALL by Godiva

Mar 16, 09 ~少少涼~

很久之前(當時Godiva向香港並不流行,亦沒有專門店)我媽咪在九龍城機場DFS工作,而她就是在朱古力部工作.因為這個原因我從小就賞盡各國不同品牌的名貴朱古力.我因此對朱古力的要求比較高.
記不起那年(大約15-20年前吧!)媽咪又如常帶了一些"damage"了及"差不多到期(應該尚有1-2個月先到期)"的Godiva回家.這次是我人生第1次食Godiva出品嘅Chocolate Golf Ball .

此Chocolate Golf Ball外型及大小跟真正的Golf ball機乎一樣(雖然當年只得十多歲的我,從未見過一個真正的Golf ball "哥爾夫球"但是那個Chocolate Golf Ball 真的與Golf ball一樣大).一個這樣大的朱古力對一個小朋友來講都算是一個好大的禮物.這個Chocolate Golf Ball外面是用錫紙包著,如果我沒有記錯,張錫紙應該是白色的!由於Chocolate Golf Ball本身有同真的golf ball一樣的小圓紋所以錫紙上都有一個個小圓"控"真是幾可亂真.第一層朱古力是牛奶朱古力,第2層是一層好似crisply的東西,好好味的.再內層是實心的朱古力mousse...現在想起都好回味.之後媽咪久不久都會帶這個朱古力回家.

之後我去了加大拿讀書,就很少有機會食名貴朱古力(正確一點來說,應該是很少食朱古力).在一個偶然的機會下我在Osborn Street的一間專賣名貴價朱古力的小店再與Chocolate Golf Ball遇上.那次的Chocolate Golf Ball是要自己買的.印象中是頗貴大約8-10元加幣一粒(當時港幣對加幣的滙率大概是5.5-5.8吧).但是這麼難得才能與它再遇上,8-10元真的不算什麼了.我決定要買它"們"回家!一買就買了1 pack 3粒的Chocolate Golf Ball.食完第一粒之後都不太捨得食第二粒,我想我都是在到期前最後2-3天才把其他2個Golf食完.後來再去Osborn Street那間朱古力店已經關門大吉了.其實之後The Bay同Eaton都有Godiva賣.不過就是沒有Golf Ball!我尋遍了很多地方都找不到golf ball.回到香港之後都賞試去找我的至愛golf ball!可惜沒有地方有得賣就連媽咪公司都沒有再賣了.後來Godiva在香港開專門 ,我都有去問,可是答案總是叫人失望.到目前為止,我還沒有找到它.連上網Search都沒有資料.唉...!好一個美味的Chocolate Golf Ball為什麼會discontinue呢?難道世上只有我一個"捧場客"?

揼骨定係拆骨?

3月9日 ~涼~

琴日係sunday...一個懶洋洋嘅sunday!一般嚟講我d sunday多數都係用嚟攤屍嘅...聖經都有話星期日係安息日啦..咁星期日唔安息又做咩好呢!呢個星期日我基本上係連街都唔想出,只係想向屋企努力咁攤屍..哈哈！
不過突然間醒起，我向屋企留下果間so-called美容屋買左massage package，之前都去過３次，頭２次個女人都ｏｋ，不過第３次去果女人已經走左．．唔知佢係咪雙程証嚟嘅呢．．琴日係我第４次去，我發現佢果度個個都唔係操流利廣東話所以d按摩師係雙程証都唔出奇．Anyway,第３次(２月８日）去果個手勢都唔算差．但係琴日果個．．．真係．．我好想問佢．．到底你係想同我拆骨定係揼骨呢．果位亞姐．．一開頭就問我．．"你想推油定係通淋巴"由於我只係想好好攤下屍所以我同佢講推油就得．．唔洗通淋巴．雖然我唔係骨精，不過我都識分咩係推油．．佢基本上唔係推油．．．我覺得佢似推拿多ｄ，佢第一下推落我條腰度我直頭痛到彈起．．真係彈起果隻．．．超級痛！我叫佢細力ｄ，佢好似唔知咩叫細力咁，係咁"咪"落嚟！佢每次落手我都要叫細力ｄ，唉．．．我真係好後悔仲confirm左３parts．就係咁我waste左我３part．我已經記起左佢個大名．我以後都唔會用佢．仲有package完左我諗我唔會向呢間野度再開package!