我地到底有冇錯?

May 31, 08

琴晚差唔多放工果時老強打電話俾我,問我有咩做.我其實係冇plan嘅.最後我,佢同rr就去左食飯.
向去食飯之前,rr要送pu返工.pu知道我地會同老強食飯就唔多鍾意,我坐向車後面都feel到佢黑面.佢覺得老強係應該留向屋企(注:因為mico入左醫院).佢覺得個老婆大肚老強都出去玩…! Um…佢可能有佢嘅道理,不過mico而家向醫院老強陪完佢先出嚟同我地食飯..我真係覺得冇咩問題.去食飯啫,又唔係做d咩.佢向醫院又唔可以24小時陪住佢.
原本我同rr都諗住唔俾pu知我地同強哥食飯…不過我諗最後rr應該同左pu講…因為我今朝msn online見到有人msn名…寫…"selfish ppl" (可能係我,rr同老強). 我突然間向度諗…乜我地真係咁錯咩?老強咁大個人做野之前應該衡量過可以做定唔可以做…佢一定知後果係點.咁我地點解要幫佢諗埋呢?而且佢唔出街留向屋企係咪代表佢愛佢個老婆呢?出街就自私,就唔夠愛?乜而家d愛情係咁嘅咩?係咁表面嘅咩?我真係唔明…到底係我有問題我錯…定係……?
你而家再問我…我都係覺得…一家唔知一家事囉…!

同純銀去西貢食糖水

May 27, 08 ~ getting hot~

今晚同欣去食返生日飯...地點係...APM嘅"牛陣"我之前都想去試下,不過一直都冇機會.咁今晚咪去試下囉.價錢唔平,平均都要成$150一個人(普通澳洲牛), 最貴嘅大約$280一位(佢話係日本和牛)...任食日式火煱...(限時係90分鐘)...野食質素一般...我地揀左$200果仲,湯底係豆乳同鐡觀音味道都算ok.我地向差不多90分鐘前已經埋單.因為我地唔想為左任食而食...

食完dinner就同欣向APM行一陣...行行下突然pu打俾我..問我做緊咩...跟住佢話佢地而家同純銀(又名:銀仔)一齊去西貢食糖水.因為佢地今日已經trade in 左小藍(現名:濫交藍)...純銀的確好好坐同好舒服...我已經試左2個位....下次我要試埋後面個位先! pu多謝你請食糖水.

another long lost friend

May 21, 08

今個月19號係茵嘅bday...由於我分配唔到正日同佢慶祝生日.唯有同佢度期食餐飯啦...都算好快...我排到5月21號dinner.

茵仲叫埋一個我差唔多16年冇見嘅schoolmate...陳芷姖(唔知有冇寫錯)Kristy.之前向茵口中都知道少少有理Kristy嘅事...不過唔多.知道佢結左婚同埋生左個仔.咁多年冇見,佢都冇乜咩變...係就係師奶左少少不過都正常吖...亞媽都做埋就算有少少師奶都係正常啦.

向佢口中知道佢同奶奶一齊住,佢奶奶幫佢睇佢個仔...又可以向口中聽得出佢對佢奶奶嘅不滿.我就向度諗如果咁樣嘅生活唔知我可唔可以頂到呢...結左婚係咪就係咁嘅呢...如果真係結左婚就要過d咁嘅生活...我好慶幸我冇結到婚...因為我諗我唔會適應到呢種生活.不過我都明白每個人對幸福嘅定義都唔一樣...可能人地覺得咁樣係好幸福呢?(咩人睇咩野)

食飯嘅時候向Kristy口中知道其他舊同學嘅事,我從來都冇諗過會見返佢地...因為唔知會係點...而家都唔知會唔會有機會見...隨緣啦.

其實我而家而家已經擁有一班好朋友...我好滿足.

具壽宴密絕相薄

May 19, 08


Happy bday to Karine!


相信大部份我嘅朋友都應該向facebook睇過herman兄30大壽d相.我地果晚的確玩得好癲.好耐冇試過玩到咁同埋玩到天光先返屋企咯.



大家向facebook見到果d相係經過我過瀘...以下係一d唔方便向facebook放出嚟嘅相.